بدا  موسم عشكنه ... بدا موسم لطمنه
اليحب هاي المجالس ... خل يشاركنه

...1...

هلا وكل الهلا ابكلمن اجانه
يسجل اسمه حاضر في عزانه
لبو اليمه بفخر علكنه رايه
ونصبنه منبره بدمعة بجانه

يامن تحب طور النعي ... هالليله اول ليله
البس سوادك واعتني ... مجلسنه كوم امشيله
حضرنه رادود العزه .... اليقرالنه اعله العيله

على امصيبة امامك ... لطم صدرك وسامك
تسجل الزهره اسمك ..  يلي تسمعنه

.....2.....
بده موسم بجينه اعله التكطع
وذر جسمه وشمر فوكاه تربع
اليحب يتشارك اويانه بدموعه
دمعنه ودمعته انثوبهه نطلع

ميت امامك بالعطش ... لا تبخل اعليه دمعه
اكسر ظلوعك باللطم ... ظلعك فداء الظلعه
ليلة العاشر يالمحب .... تحضرهه كونك تنعه

بثواب الجسمه ضايع ...  نوزع هالمدامع
اله مأتم نصبنه ... بهذا مدمعنه
....3....

المجالس نعمة الله ومن حضرهه
اله باجر مقامات اشكبرهه
الادله واضحه للراد ادله
قصائد حمزه ليهسه بذكرهه

الميمون ظلت خالده ... بصوته العذب يقراهه
كل عاشر امحرم يجي ... تبدي المصيبه اوياهه
كلمن خدم بيت النبي ... فاز وربح معناهه

اكيداً هالمجالس ... يحب يحضرهه عابس
لتبخل في حضورك  .... جيتك اتهمنه

...4...

شهر حزن الله هذا وما نعوفه
شهر بي طاحن الكافل جفوفه
ومشت مسبيه بي زينب يويلي
فشل نترك جرحهه وما نروفه

واسوهه يخواني الخدم ... جرح السبي أماذيهه
لا اخو الظل عدهه ولا .... كافل يجي ايحاميهه
كل عام ينعاد السبي ... يلف حبل بيديهه

نحشم العنده غيره .... يفك حبل الاسيره
ابعزاء النحره دامي ... يحضر بونَّه

....5....

العمر يخلص اكيداً لا محاله
ربح من علَّم الخدمه الجهاله
النصب موكب لبو اليمه اعله نيته
تصير الجنه دارة اِي عداله

الله جعل جنة عدن ... للخادم البي همه
المايشعر ابطعم التعب .... راحته ابثوب الخدمه
هنياله كلمن فاطمه .... بدفترهه سجلت اسمه

الخدم لحسين امامه ... حصد تاج الكرامه
رغم أنف النواصب ... يدخل الجنه

....6....

اذا ردنه نفرح المهدي واجب
ابد ما نبتعد عن المواكب
نجي بلطمة صدرنه للمجالس
اكيد المهدي حاضرهه ويراقب

خنداوي كَلبه المنجرح...  نازف تره من العاشر
انعزي ابذبحت مهجته ... البي منكسر جم حافر
فاتحته منصوبه شهر ... شدكل لامامك باجر

اذا تسمحلي انصح ... عتاب المهدي يذبح
ابد لتخلي نفسك ... مبتعد عنه
........

تمت..
.........
كلمات
موسى الخادم

اذا دفنوني عنــــي تروح الاحبــــاب
واظل بلا ضوه بهالبيــــــت لا باب
..................................................


اذا خلصت حياتي وزارني الموت ويسكن ونيني
اذا ما بيه حيل اتنفس شلون واهلي مگابليـني ؟
لا مال اليفيد ولا ولد بيه يوم التطفى عيـــني
اصيح وصوتي ما يطلع والاحباب جثه موسديني

واغمض عيني يمهم
واسمع بس لطمهم

واموت وراح اتاني بگبري الحساب
واظل بلا ضوه بهالبيــــــت لا باب


**

اذا علمغتسل والجسد مطروح واحس الصار بيـــه
هواي ذنوب حتى الماي لو طاح ناره تصب عليه
بهاي اللحظه يحضر شخص من نور ويكلهم اليه
هذا الجــان خادم وانا الحسين متمسه الاذيــه

يجي ويگلي لتخاف
الطاف بگبري ينطاف

جنت تحضر عزائي بگلبك صـواب
واظل بلا ضوه بهالبيــــــت لا باب


*



بهذاك اللحد انزل وحدي والروح تدمع بالنــدامه
وعليه تراب گبري جبال لو طاح واشعر بالقيـامه
واظل بوحشه لكن يرجع النور ويـكمل كــلامه
ابد منعوف شيعي يحب الحسين ومــوالي لأمامه

أمن باقي ويـــاك
وحگ زينب حضرناك

الواسى الزهره والله يحـظنه التراب
واظل بلا ضوه بهالبيــــــت لا باب



***



يتركوني الاهل والصحبه والناس وادير هناك عيني
گبل لا اندبه يحضر هو وفاي يوصلني ويجيــني
اخو زينب وحك زينب والخيام ما تــــــرضى بونيـني
صدري انه التحنى بلطم عاشور واصرخ يا حسيــني

تحط چفك عليه
وارد گبل المنيه

وارد اكتبهه زيــــــنب وارسم حجاب
واظل بلا ضوه بهالبيـــــــــت لا باب


**


واحن لحظن امي بذيج الكبور وابرد واعتنيــهه
بس انه بلحد وبچفني مشدود روحي شلون بيــهه
ويجيني الصوت لا تحزن انا هنا لان خادم بنيــهه
يگلي الراس أرفعه الزهره تحميك وتعوضك عليهه

الواسى بگطع الجفوف
ابد ما يوصله الخوف

انه ام عباس وام حسيـــــن الاطياب
واظل بلا ضوه بهالبيــــــــت لا باب

#كلمات #الخادم / #رعــــد #الفريـــجي




@HxzEU1
قناه نشر القصائد المنبريه

ياخويه؟
....................................................
ياخويه لاجمني كلبي بحسره
وهم نومك مو عتاريب قدره
الحيرني الرابي بحضنه الزهره
كدامي تسحگ اخيول بصدره

ردت اموتن لمن شفتك
رايحه الخيل علئ كترك
وعاينتلك وانته طايح
حافر الخيل على صدرك
وشمر خنجر بيده جايك
رايد يحز خويه نحرك

ابن امي طايح.. وغيرات عيونه اليه
وسفه تسحگه.. خيول عشره اعوجيه


يامايله الدنيه ويـ زينب مايله
........................................
ياحيرتي الما منه حيره
بخيولهم سحكو عشيره
وبخلافهم ندخل ابديره
ويا صوب المعاتب نديره


ماكو حيل وصوتي رايح
وانه ادري الدهر مايل
وعاينت ياخويه صوبك
يل حنين اهواي ذابل
من عطش لو من حوافر
والسيف خويه اهواي عايل

معاتبه خلص.. وخلصت الخوه بهضيمه
يا تعبي كله... حسين طاح يا حريمه

يامايله الدنيه ويـ زينب مايله
.............................................
محيرني لصوبي و تدير بعينك
شو خنصر مابيهه خويه ايمينك
علئ الشفته يحسين الله يعينك
الكسرتني يبن امي وموذرينك


ويا بو الاكبر يمك اني
وتعبت حته وصلتك
مسود انت عل ترايب
وكوه انه يلا شفتك
عطر امنه الزهره شمن
يلا ياخويه عرفتك

يبن امي طايح.. والسهام مغطيه جسمك
خافن احركك.. خفت يبن امي الجمك

يامايله الدنيه ويـ زينب مايله
..........................................
خلصانه وكلشي انتهه وما شوفك
يبن امي كلي شجره عله ارسومك
يردوني اصعد بهزله ابموتك
ياخويه لجمتني حيل اضعونك

تفاركينه وهاي هيه
ومن هضم ياخويه حالي
وجابو النوك الهزيله
وراسك عله الرمح عالي
وصرت انه اسمي سبيه
ضاع خويه كل دلالي


وداع الله خويه.. وزينبك ما جنهه هيه
لشام النوايب .. راحت بهزله وسبيه

يامايله الدنيه ويـ زينب مايله

حيدر صلال

@HxzEU1

شمسويه بيك الخيل والناس
معقوله هذا انته يعباس
حاجيني عالجفين وسهم الي صاب العين
**
يا ابوفاضل بيه ضاگت واخو مثلك وين اكو
انته غير احزام ظهري ليش شمتّ العدو
عازة الخوان عازه ينولي الماعنده اخو
استوحدوني خويه عگبك وبعد لحسينك منو

بطيحت الرايه طاح الحسين
دليني خويه اليوجعك وين
وبگلبي احس نارين وسهم الي صاب العين
**
حسين صاحو مات اخيك كلت ابو فاضل عدل
غيرة الله براسك انته تنطي روحك مو سهل
ما مصدك تمشي عني وتنجتل يا ابالفضل
مال ظهري من عفتني ومال وياي الحمل

عباس اشوفنك جنت جيش
تتركني وانه بعازتك ليش
ظهري انكسر مرتين وسهم الي صاب العين
**
الرايه من مالت شفتها ملت كلي ونحنيت
صحت توه انكسر ظهري المصرعك اركض اجيت
من المخيم للشريعه خلص عمري وشيبيت
بحجري من خليت راسك ليش نزلته وبجيت

ياهو الك بآخر انفاسك
وياهو اليخلي بحجره راسك
الحيل اجيبه منين وسهم الي صاب العين
****
ياهو انته من گلتلي خويه كل حيلي انهدم
عين شفت السهم بيها وعين جامد بيها دم
تحيرت خويه وعذرتك اهنا يشيال العلم
عينك اويه السهم تطلع منها شيطلعه السهم

بالعمد راسك حيل ممرود
ولا عين لا جفين لا جود
والرايه طاحت وين وسهم الي صاب العين
***
انته اخوي وانته جيشي وخويه من عندي خذوك
طول عمرك ماعفتني وعن اخيك فرگوك
بيك شمسوين خويه وليش هيجي گطعوك
انته ذاك الگمر جنك حيل خويه غيروك

شسوت يخويه بحالك اعداي
مو الاولي متغير اهواي
صوب دليلي البين وسهم الي صاب العين
***
والله دنيه وفرگتنه وجنه ابد ما نفترگ
انته جنت النفس خويه لوعفت ريتي اختنگ
الخيل من يبعدها عني صدري لمن ينسحگ
وخويه زينب ياهو الها الخيمه لمن تحترگ

عباس گلي بزينب شلون
يسبونها وتروح المتون
ومجتفه الايدين وسهم الي صاب العين
****
تمت
#ميثم #العمري




@HxzEU1

قناه نشر القصائد المنبريه

قصيدة بحق السيدة خولة بنت الحسين عليهما ا السلام
(ملمع شعبي مع فصيح)


قد كانَ يا ما كانْ   في سالفِ الزمانْ
عن طفلةً احكي لكم   طيرٌ من الجنان
====================
كانت هُناك طفلةٌ   عيشتها حلوة وهادئة
خولة اسمها او يالاهل   تحيى حياةً هانئة
لكنما الدهرُ انقلب   وبلحظة صعبة وطارئة
من عزها راحت للسبي  مصدومتاً متفاجئة

ماذا جرى يا ناس    فالحزنُ لا يُقاس
كانت حياتي طيبة    دمعٌ يفيضُ الأن
=====================
في يوم حُزنٍ مفُجِعٍ   والكلُ كانَ مُنشغل
هاية بسوطٍ تَنضرب   ذيچ اليشدهوها بحبل
كانت تسيرُ بلا غِطا   ومچتفة فوكَ الابل
لهفـــــي لها ولحالها   عن اهلها سترتحل

اين ابي الحسين   لا ادري نمظي اين
انظر ابي لحالتي   قد عشتُ بالاحزان
========================
لم تفقهْ الدنُيا بعد    وبيها المصايب نازلة
تحكي لكم بنتُ النبي    ماذا جرى في كربلة
القيدُ آلم معصمي   وفگد الابو متحملة
قلبي الصغيرُ مُنكسر  غابت يويلي كل هلة

السردُ قد يطول    نجمي نوى الافول
لم يذكروا مصيبتي  والعاشر البُرهان
=======================
عانت مُعانات الحرم   مچتوفة أيضاً وانسبت
لكــــنها لم تحـــتمل   طفلة وزغيرة اتلوعت
دوم اعله ابوها تنتحب  في كُل جانب نظرت
لم تلــــقى الا ضربةً    لو مرة بوية حشمت

لم تهنا بَعدُ يوم    جارت عليها القوم
في بعلبكْ انتقلت   للخالق الرحمن
=======================
تمضي السنين وتنقضي  تروح وتجي ايام العمر
ما نسمع ابخولة اشجره   وفوكَ المنابر تنذكر
لا انـــــــسى الا نادراً   چم مرة نسمع بالامر
هذا الذي ما قد جرى   كسر الگلب ما ينجبر

في آخــــرِ الكلام    ترقدُ في سلام
وتنتظر في قبرها    من يأتي للمكان
========================
أسالكم الدعاء رائد الاسدي

قصيدة بحق السيدة خولة بنت الحسين عليهما السلام



انه اعاتب خولة بت حسين انة الشيعة نسوني
انه اعاتب ليش ما مرة بمـحرم تذكروني
--------------------------------------------- ----
انه بت حسين اخت سكنة ورقية
شما جرة بالطــــف عليهن صار بية
يبس شفافي العــــطش بالغاظرية
والحبل طول الســــبي ياكل بدية
انه اعاتب قصة مرة اعلى المنابر سولفوني
انه اعاتب ليش ما مرة بمـحرم تذكروني
------------------------------------------------
انه علـوية وزغــــــيرة يا زمــــــــــاني
عد ابــــوي شكَد عزيــــــــزة ودللاني
ترفة رجلي والجمر بيها چــــــــــواني
اعتب اعلى الما ذكر همي ونساني
انه اعاتب يالتسمعون العتب زيد شجوني
انه اعاتب ليـش ما مرة بمــحرم تذكروني
------------------------------------------------
معودة بأحضان ابوي عــــــــيوني تغفة
نامت سهام المنــــــــية بحــظنة وسفة
منــــــين ما اريدن احظنة يســــيل نزفة
شلون ياشيعة أطيب وجرحي يشفة
انه اعاتب هذا حالي وبالغرب من يدفنوني
انه اعاتب ليش ما مرة بمـحرم تذكـروني
------------------------------------------------
اندفنت بعيد بس روحي بمحرم
شما يمر عاشــــــور بيه ﷲ يعلم
الدمع بالعين يجري دموع من دم
واحظر بكل عام وين ايصير مأتم
انه اعاتب ما سمعت اهل المآتم يندبوني
انه اعاتب ليش ما مرة بمحــرم تذكروني
------------------------------------------------ --
انتــضر كل عام اخــــــبار المنابر
كَلبي ياهالناس ظل لليوم حاير
انتظر ظليت بلكــــــي اليوم باچر
لا شفت رادود لا يذكــرني شاعر
انه اعاتب انه باب الله يشيعة يكَصدوني
انه اعاتب ليش ما مرة بمــحرم تذكروني
------------------------------------------------
الكتبوا الــتاريخ ما كتــــــبوه كلة
بالسبي لحســــين هم تموت طفلة
اطي دوم مراد واشفي البيه علة
لو تطيح بضيج صيح دخيل خولة
انه اعاتب ما ارد محتاج لو مرة نخوني
انه اعاتب ليش ما مرة بمحرم تذكروني
------------------------------------------------

أسألكم الدعاء رائد الاسدي

خليني اعله بابك ...عـــاشك يمك الخــدمه
حليني اعله بابك ...  بحق زينب يبو اليمه
خليني اعلع بابك ... لا تحرمني هل النعمه
محبوبي حُسين
_1_
لا تطردني من بابك
بدموعي اكنس اعتابك
عليك ابزينب الحره
خلني ابعالم امصابك

خليني عبد عندك يأغله امن النفس عندي
اصغر خادم ابابك اصير ابامرتك جندي
لا تحرمني من عطفك يجد القائم المهدي
كون اكظي العمر يمك لحد ما انزل اللحدي

يا عشك الطفوله ... لا تحرمني مرضاتك
با عشك الطفوله ... عيش كلبي لوعاتك
خليني اعله بابك ... عطر الحضره اشتمه
_2_

حبيتك على الفطره
وصرت ابمجلسك اقره
ما ردت الاجر مولاي
بس منك ردت نظره

غيرك يابو الاكبر ما شغل فكري وشغل راسي
بس انت الاشوفه ابعالم الحب سيد احساسي
لا تحرمني اخدمك يا اعز من روحي وانفاسي
عليك ابصاحب الرايه الكفيل  الهيبه عباسي

يحسين انت تعلم ... باليخلص الك نيته
يحسين انت تعلم .... بالفاتح الك بيته
خليني اعله بابك .... كلبي بحضرتك ضمه
محبوبي حُسين


_3_

وفقني عليك انعه
لحد ما تخلص الدمعه
شلّي بعيني خل تعمه
الك يا وارث البضعه

واهبلك حواسي الخمسه وسنيني وبعد روحي
اجروح البيه وعيونك عليك اكبرهن اجروحي
علمت الكلب يبجيلك وتنعالك اصروحي
ميمر بية  يوم الا اذكر امصابك يمذبوحي

خير اجتافي منك ... يل كل شده حاضرني
خير اجتافي منك ... لا تبعدني قربني
خليني اعله بابك ... عمري بمجلسك ختمه
محبوبي حُسين


_4_

يالمت بعطش ضامي
عليك امزاحمه الامي
اموتن من يجي العاشر
وارد بدمعي لايامي

من اسمع شمر حز راسك وزينب تعايله
روحي الطفك الدامي تروح امحمله بعله
مصرع حضرتك اني ابد ما اكدر اوصله
خايف لا اجي واللكه اعله صدرك حافر امخله

خايف لا اجيلك ... ما الكه الك كلشي
خايف لا اجيلك ... بيك اتعثر امن امشي
خليني اعله بابك .... يالنحرك نزف دمه
محبوبي حُسين


_5_

يحسين الالك يخدم
كون الامرك ايسلم
يرخصلك نظر عيناه
موش اجروحك ايلّجم

الخادم من صدك لجلك ابد ميدور الشهرة
ميساوم على اجروحك يجي من ذاته الك يقره
موش الا ابأجر يحضر لعند احبابك الفقره
كون الخدمتك يرخص حياته وراحته وعمره

ليك ايفوض امره .... مو للشهره والسمعه
ليك ايفوض امره .... يقره امصابك بدمعه
خليني اعله بابك .... عمري ابلا لطم ظلمه
محبوبي حُسين
......
تمت
كلمات
موسى الخادم

مولاي الغريب   مولاي الغريب
٠٠٠٠ ٠٠ ٠٠٠٠
جيتك سيدي ندمان اجيتك
خايف وامنت لمن الكيتك
يشراي الحجي وماي العيون
اقبلني عبد عندك نخيتك

لو مامجلسك يحسين مدري بيا درب ضايع
يمشبعني خيرك خير ونته ماي ماشابع
مامثلك شفت مذبوح بخدمته كل بشر طامع
يل بصدرك تروك الخيل ورمح من الضهر طالع

عيشني بحلم بيه الجمت اجروحك
وصيرن بالعشك يحسين مذبوحك
وكون الخيل تركض فوك صدري الخيل
واشوف اشلون طلعت سيدي  روحك
مولاي الغريب مولاي الغريب
٠٠٠٠ ٠٠ ٠٠٠٠
غوتني الدنيه عنك تيهتني
العالم ثاني ماعرفه خذتني
وكضيت اسنين عمري بلايه عنوان
وصرت انسان من جفك الزمني

جنت ضايع بلا عنوان الخادم صار عنواني
عشگتك من ذبح يحسين وكلشي عليك حسداني
من اطبن للحسينيات امك كاعده تاني
هله باليبجي عله ابني تصيح وهاجت احزاني

امك فاطمه ومن تنشد عليه
وينه اليبجي للعطشان يوميه
مدري شكبر حضي يصير
يامولاي
اتمنه بمجلسك موجود اليليه
مولاي الغريب مولاي الغريب

٠٠٠٠ ٠٠ ٠٠٠
كضيت ايام عمري  عنك بعيد
تقبل توبتي يبن الاجاويد
خليني عبد عندك يلحسين
ونفذ كلشي مني سيدي تريد

ماي لوجه جبته وجيت وادري ماتفشلني
سنين العمر راحت وين هاي دموعي تسلني
ندمان شكثر ندمان هاي الدنيه غرتني
رغم ماشايل من اجروح بس حبك يدللني

أمير وتستمع يحسين كلماتي
بس انته الوحيد اليشري دمعاتي
هاي الناس موش حنان مومثلك
يل تنطي اجر أضعاف خطواتي
مولاي الغريب
مولاي الغريب
٠٠٠٠ ٠٠ ٠٠٠٠
انه الغلطان من ياهي اعتذر الك
اجيت اتؤسلك عن ذنبي اكلك
خل عيني تهل دوم عله طاريك
يل من طيني كلشي حته طفلك

يل مضحي عله مودي عزاز وانه لمامضحيلك
امن عليك يامولاي كون بمجلس ابجياك
عمر كله گضه تقصير دخيلك سيدي دخيلك
اماره النفس بالسوه ومن يامعضله اشكيلك

اخذها الكربله وعيشها بلعاشر
عسه غفله ويجيها تايه الحفر
وتشوف جروح كلبك يلحنين شلون
وعينك صوب زينب سيدي تناظر
مولاي الغريب مولاي الغريب


خام اهل البيت ع
فلاح طالب الماجدي

دقة ساعة الصفرِ      بينَ الشَفعِ والوترِ
كفيلُ الخِدرِ والخِدرِ
حديثُ الماء
............................................
وكف عباس......وفه واحساس
يم خيمة عقيلة بني هاشم
هتف وبزود...... يخيتي الجود
يا زينب أنه العباس خادم
وحق القل هــــــــــوَ الله احد
لخلي الماي حدر الخيمة يمتد
أنــــــه العباس والعباس يشهد
أنه العباسُ كرارِ     وريثُ العهدِ فقارِ
دفينُ الحربِ أسرارِ
حديثُ الماء
.....................................................
نزل والجيش......سؤال وليش
ركض من شاف أبو فاضل تقدم
راس أبراس......تدور أنفاس
وكمر هاشم عليهم سيفه خيـــــم
نزل من المهر وبسيفه رتل
بسم رب الخيم يا ماي أسأل
صدك وردة علي بلياك تذبل
ألا يا نهرَ سعياكا     لآل البيتِ مأواكا
أنا ربانُ مجرآكا
حديثُ الماء
....................................................
كليــــم الماي......عذب رواي
مشه مشية علي وفقاره شاهد
غضب بركان......النفس دخان
قبل شمرة يمينه الجيش شارد
دخيل الله ودخيله أبــو فاضل
زمخ بالجيش هل مـــن مقاتل
فوك اصدورهم صاعد ونازل
جحيمٌ سيفــــهِ صارا      مليكُ الموتِ قد حارا
رؤسٌ تهوي أكتارا
حديثُ الماء
.................................................
مشه ابكيفه......الملك سيفه
اليوصل حده يرجع بيده راسه
صهيل الخيل......صفير الليل
سهام ونار ضل تحبس أنفاسه
وسط عجت صليل السيف فارس
كطع يمنة أخوي او وكف حارس
كطع يسراه طـــــاح وريجه يابس
هوى والعينُ تبكيني     أُوخيه قطــــعُ كفيني
جوابٌ فيه تحكيني
حديثُ الماء
.........................................
بديت أشتاك......وطعم لفراك
بده من شفت أخويه حسين محني
ركضت اعليه......سألته اشبيه
يكلي أبحضني شلته وما عرفني
يزينب كافلج بــــــــــالدم تخضب
وعلى صدره الحوافر خويه تلعب
ايعضم الله أجــــــــرج خويه زينب
حُسيناٌ خُذني للنهرِ      فنبضُ القلبِ لا يسرِ
ختامُ الحربِ والنصرِ
حديثُ الماء
.............................................
خادم خدمة الحسين
الشاعر
محمد الموالي

حي الله مسلم
.................................................
جبل بركان أنفجر مسلم دخيلــه
هالله هالله ما كدر واحد يجيلــــه
أتوسط الميدان هوس رعب ليلة
أحنه غير حسين ماعدنه وسيلـه
واتوسط مسلم ميدانه
ماواحد بيهم كال انه
حي الله مسلم
......................................
حمل مسلم والزلم هابت خيالــــــه
واحد الواحد سأل عزريل اجالــــه
أعيونه تتجادح غضب ساعة نزاله
ألتفت لحسين ونشيد الطف قرالـــه
مسلم والكـــل أيسمونه
حيدر واشلون ايلاوونه
حي الله مسلم
.....................................................
ركضت الخياله مسلم هد وراهم
ابلا نفس من خوفهم موته لكاهم
عاين ابـن زياد جيشه وشدهاهم
واحد الواحــد يكله اشرد معاهم
موته ابلا سيفك تلكانه
مسلم هد اشرد ويانــه
حي الله مسلم
..........................................
عجت الكوفه وعجيج الجيش خيم
ومسلم بهيبة علي وصبره تحزم
عرف هاي الساعة موته وامره حتم
التفت لحسين واعله حسين سلم
طاح دمعه بطيحة أيده
بويه يـــــا بويه حميده
حي الله مسلم
.......................................
بين طوعه ومسلم حسين شبعثلـه
حتى من البيت طلعت حيت اهلـه
مسلم امن ابعيد يسمع جن يكلـــه
يبن عمي أمن ومسلم دخلًــــــــه
حيًت طوعـــــــه وحياها
خيمة امن الطف وطباها
حي الله مسلم
.......................................
خادم خدمة الحسين
الشاعر
محمد الموالي

((رد الرقيه))


عشگك چواني مــو جمر .. شمسوي بيه
ليمت تمر كـــافي الهجر .. رد الـــــرقيه
اه .. كافي هجرانك
اه .. گلبي عطشانك ..

كــل باچر إيمر وانتضر ويتعده بـاچــر
والساعه بفراگ اليحب تكـسر خـواطر
علمني أنام من التعب شو گمت أساهر
ليش بحلم شوغه وتمر چندوب أكابــر

ياحلمي لتعوف الجرح .. بكبر الخرابا
وبجرحي لترش المـلح .. رجعـلي بابا
آه .. خـالي أمچـانك
آه .. گلبي عطشانك

"""""""""""""""""""""""""""""""""""'''''''''''

فَزت دمــعتي وتنــدبك .. محبوبي اريده
وروحي الكسيره تطلبك .. ادري بعيـــده
آه .. بويه وجـــدانك
آه .. گلبي عطشانك

وطشت المنيه من حضر طشت المنيه
ولن راس ابـــوها وبالـــدمع وتگـله لَيه
حاچـــــيني يـــابعد العمر آنـــــــه رقيه
آنــه رقيه لا گبــــل هــــــسه سبيـــــــه

شو ساكت ومالك خلگ .. افتــح عيونك
هجرك حرگ گلبي حرگ .. وثلمةّ سنـونك
آه .. كسرو اسنـانك
آه .. گلبي عطشانك

"""""""""""""""""""""""""""""""""""'''''''''''

كضني بخيالك يانبع .. وعيشني ذاتك
مـــوتني يابويه الدمع .. بـــويه وغلاتك
آه .. تمـــرد احزانك
آه .. گلبي عطشانك

يابويه اخــذني ما اضل ماتسوه اضلــن
مـــوتني بعيـــــونك ألم وخليني أونــن
خليني أغفه بعالـمك بس ابقه أحنـــن
موتني يم نحرك عطش وعيوني يمشن

ماريد أعيشن بالندم .. يابويه اخذني
واليــنذبح مو ألا دم .. حبــك ذبحني
آه .. ضمني بحضانك
آه .. گلبــي عطشانك

"""""""""""""""""""""""""""""""""""'''''''''''

ماتت رقيه بياهضم .. مــاتت رقيه
وزينب گلبها بيالطم .. تگلها شبديه
آه .. خــويه ولسانك
آه .. گلبي عطشانك

يبست مثل ورگــةّ عـنب ياراس ابوها
والصفنه ودموع العشـگ مـن گلبـوها
تشكيله راحت عالسبي ومن سلبــوها
ونار والمخيم والركض ومن أضربوها

لازم يموت ألـــي يحب .. هيچ النهايه
والبي شجون وينتحب .. بعيـونه رايه
آه .. زينب بشـــانك
آه .. گلبي عطشانك


عبد زينب
محمد الابراهيمي

لحن (رد الرقيه)
بصوت
ملا ميثم الصافي
اهواز

بَسْمِ اللهِ الرَّحْمَنِ الرَّحِيْمِ

بيا ساعة نشوفك مهديها
راية عبّاس ترف بيها
___

ندعي ودمع الحُب يتزاحم
تظهر وتقيم انتَ المآتَم
وتنادي [يا أهل العالَم]
وتصفّي اولها وتاليها
___

نحسب للطلعة ونتأمّل
تاخذ ثار الفوگ الهزّل
وبصوتك تقراه المقتل
وعيون الشّيعة تبچّيها
___

توصل يم حسين وگبره
وتشيل [الأصغر] مِن صدره
وتسأل ليش انصاب بنحره
ما ذنبه وْشنهي الجانيها
___

للكافل تتعنه تطوفه
وبچفّك تلطم لچفوفه
تنحب للهامة المخسوفة
ولعينه الصّرخة تعلّيها
___

صرخاتك كلّش تتعلّه
من تشاهد ذيچ التّلّة
ركظت عمتك لا مو سهلة
تندب وتحشّم واليها
___

تگصد للغرقد وبحسرة
تبني شچم گبّة وچم حضرة
وتدلينه بگبر الزّهرة
ونطوف وياك بواديها
___

اِتْطَلْع [الشّيخين] تحاسبهم
عالشّجرة بچفّك تصلبهم
إنتَ الحاكم وتعذّبهم
وجيوش البّاطل تفنيها
___

تاخذ ثارات المكسورة
والخير اِيْـعِـم المعمورة
ووجهك يضوي الكون بنوره
وعدلًا يالقائم تمليها



شكرًا لله ولآل الله صلوات الله عليهم أجمعين
[ هَذَا مِنْ فَضْلِ رَبِّي ] والحمد لله
بركات الكفيل سلام الله عليه
#أبو_فاضل_هوّه_المفتاح
#رزقهم_صلوات_الله_عليهم_أجمعين
حيدر الموسوي

هل من توبه . ماگلك مثل الحر جيتي
هل من توبه . هاي الكلمه اكبر من نيتي
هل من توبه . يحسين انته اكفل تربيتي

انه المالي غيرك وانته تدريني
يتيم  وماردت  غيرك  يربيني
اريد ابمجلسك تتبنه دمعاتي
احجب كلشي اذا رادت تزل عيني

مالي غيرك ياحسين
ضايع ابهاي السنين
وانته ابو گلب الحنين
حبيبي ياحسين حبيبي ياحسين
،،،،،،،،،،،،،،،،،،،،،،،،،،،،،،،،،،
منْ لِي غيرُك . انته الساتر كل اذنوبي
منْ لِي غيرُك . بخيامك غطيت اعيوبي
منْ لِي غيرُك . ما اسوه خلافك محبوبي

خنگه الدنيه لاجن خدمتك حلوه
ضامي اعله الدمع وبحزنك اتروه
ارزقني الحزن والحرگه المصابك
الدنيه ابلا مجالس كلشي ماتسوه

خلني اعيش ويالمصاب
وعالدموع افتحلي اباب
اعيوني المصابك ثواب
حبيبي ياحسين حبيبي ياحسين
،،،،،،،،،،،،،،،،،،،،،،،،،،،،،،،،،،
جيتك نادم . خجلان وماشيلن عيني
جيتك نادم . شفتك مذبوح وتنطيني
جيتك نادم . شفتك عطشان وترويني

ضعت ابدربي بس شفتك درب توبه
اخيامك ملجأ  الماتنعد  اذنوبه
عفو عام انته للرايد عفو الروحه
حسين اول ستر بس منسلب ثوبه

ساتر اشگد يالحبيب
وللأسف اسمك سليب
ياجرح ماضن يطيب
حبيبي ياحسين حبيبي ياحسين
،،،،،،،،،،،،،،،،،،،،،،،،،،،،،،،،،،
لا تعتقني . غيرك ياهو اليقبل بيه
لا تعتقني . اخيامك احلا امن الحريه
لا تعتقني . ابلا عطرك مخنوگه الريه

شسوه ابلا خدمتك ياهوه انفاسي
ابلا مجلس لطم يتشتت احساسي
اقبل اعتذاري وانته ابو الرحمه
عفوگ عني اكثر من شعر راسي

اشگد احبك ياجريح
افتخر وبروحي اصيح
الزم  ثوبك  مايطيح
حبيبي ياحسين حبيبي ياحسين
...
العبد ابوفايز الرافضي
الفاتحه على روح والدي

((منطيني خيمه))


لو عمري يگضي .. عثــره اعله عثره
مـــا انسه امامي .. المنطــيني عمره
ومنطيني خيمه .. وركــض اليـتـيمه
ورحــله النهيبه .. وخيل اعله صدره

مجلس الضامي عـزيز وبيش ابدلنه
بگلبي منبر ياحسين وكــون احملنه
المايحب الدمعه اعذره ومــا أكلمنه
للحبيب حسين يرخص دمعي أهلنه

ماعندي الغير
محبـــوبي اول تالي
محبوبي الخير
بس هوه شاغل بالي

حسين ...

"""""""""""""""""""""""""""""""""""''''''''''

احضر مجـــالس .. وألطـم مصابي
وجرحي بدمعتي .. ولوعه بخطابي
وحـــرگه بدليلي .. وأصـــرخ يويلي
واگـــضي حياتي .. وانـــزف شبابي

كل شبابي بخدمةّ الحب كل مضاميني
مشتريني وغالي سعري حسين شـاريني
ماتــــركني من اطيحن هــــوه يحـديني
غير ابو السجاد عشگي حسين يحسيني

وبّفــــيه انام
بس فيه خيمه اعلينه
وبظل اخيام
ويحــــــبنه ما ناسينه

حسين ...

"""""""""""""""""""""""""""""""""""''''''''''

الهزله بصفـنتي .. وأنصب دمعتي
واشهگ حسافه .. احبال بحسرتي
اخت الأمــــامه .. مــــــو بالسلامه
بسوط وشماته .. وتفـــــزع عبرتي

ياعبــرتي افــــــزعي للسموها مسبيه
وهيه بت المصطفى المعروفه علويه
ياعبرتي اليوم ضجي بدمعچ اليچوي
هاي زينب والشــماته تصـيح محنـيه

وبقصر الشوم
طبت عقيلةّ حيدرى
والناس اتلوم
وبيا هضيمه أميسرى

حسين ...

"""""""""""""""""""""""""""""""""""''''''''''

ضلمه الخرابه .. وطفله تريده
تصرخ يـــــبابا .. وتشـم وريده
هيه المصـيبه .. عيـله وغريبه
دروبك يبـويه .. صارت بعيده

يابعيد الدرب بــويه الحگ الحــالي
فراگك الخلاني اهيم وصار چـــالي
ويني ويـــــن السبيه والحجر يــرمي
كون ميته بسحگ حافر بويه اشوالي

يابويه شلون
آنـــــه التگلي مدلله
بيه وتدرون
صارت دمعتي سايله

حسين ...

عبد زينب
محمد الابراهيمي

لحن(منطيني خيمه)
بصوت
ملا حسن الزينبي
ناصريه

عادت ليالي الحنه والأنه
ارزقني جم دمعه اعله جم ونه
يا ابا عبدالله ... يا ابا عبدالله

..1..
الحمدلله والشكر من ردلي عاشور
وانه اشتم الهوه مو وسط الاكبور
شي مقدس حيل عندي لطم الاصدور
ما يهمني اليعترض افديلك انحور

يمضحي كلشي خاطر اتهنه
ارزقني جم دمعه اعله جم ونه
يا ابا عبدالله ... يا ابا عبدالله

...2...
لايذ ابابك اجيت وكلي امال
دمعه ترزقني عليك اتهد الاجبال
كون اطيح امن البواجي مثل الأطفال
وكون احس ابلوعة الشدوهه بحبال

الجابت طريق الشام بس حنه
ارزقني جم دمعه اعله جم ونه
يا ابا عبدالله .... يا ابا عبدالله
....3....
خادمك مولاي لا تحرمني الادموع
كون اكضي اسنين عمري اعليك مفجوع
اضلوعك امكسرات وانه سالم اضلوع
ابمجلسك وفقني اموتن وانه موجوع

بجويت خيامك موتي اتمنه
ارزقني جم دمعه اعله جم ونه
يا ابا عبدالله ... يا ابا عبدالله
...3...
عمري منذور الك كد ما املك سنين
انطيني حيل الخدمتك مولاي يحسين
كلشي ما عندي بحياتي بس شغلتين
اللطم اعليك الصدر وابجيلك العين

لا ردت اجر لا رايد الجنه
ارزقني جم دمعه اعله جم ونه
يا ابا عبدالله ... يا ابا عبدالله
...4...
سيدي امَّشي اعليك ادموعي ذني
فدوة لا تطردني يمك عبد خلني
من زغر واعليك ما بطلت وني
امصايب الطف الجرتلك سوددني

امصابك حقيقه ما شفت منه
ارزقني جم دمعه اعله جم ونه
يا ابا عبدالله ... يا ابا عبدالله

.....5 ....

كون عاشورك على طول المواسم
حتى اكضي اسنيني الك جفيني لاطم
احله شي عندي خدمتك يبن فاطم
اخذ كلشي اتريد مني وخلني خادم

بابك اموت امن ابتعد عنه
ارزقني جم دمعه اعله جم ونه
يا ابا عبدالله ... يا ابا عبدالله


.......
تمت


كلمات
موسى الخادم

#قصيدة_للعليلة_ع
لسان حال العليلة

اصدّگ ناظـري مــدري اچذّبه
مشه وين العزيز الحيل احبّه
رحت حته ألبس احجاب
عليَّ شو ســــــدوا البـاب
و ماخذوني
ـــــــــــــــــــــــــــــــــــــــــــــــــ
صعــدوا عالهـــــوادج و انه ظليت
مــاي و دمــع ابَّدي
اگولن هسه اكسر خـــــاطر حسين
و يگلولي اصعــدي
مدري شلـــون حِسبو روحي ترتاح
أذا ظليت وحـدي
گالو أحسن الها و هـــذا الاحســاب
كلّه أنـدار ضــــدي

عافـــوني وحيــــدة و گلبي أذّوه
و حته ال بالمهد وَيَّاهـــم اخذوه
عود امحظرة الاثياب
عليَّ شو سـدوا الباب
و ماخذوني
ـــــــــــــــــــــــــــــــــــــــــــــــــ
ركبن كل خواتي گبــالي عالنـــوگ
بس انه الوحيـــدة
شما اصعدلي ناگة يبچي الحسين
و اينزّلّني بايــــدة
ابرقية اتوسّلــت تحچيــــلي وايّاه
و ابسكنة و حميدة
أنام شلون انام و انـــــــه مــــا نام
قبل إِلا اعله جيده

طحت عالگاع طيحة طير مذبوح
من أشّار عليَّه و گـــــــــال متروح
ردت اعرفها الاسباب
عليَّ شو سدوا الباب
و ما خذوني
ـــــــــــــــــــــــــــــــــــــــــــــــــ
أليعوفوها اهلها لوحــــــشة البيــت
مكســــورة و عليلة
لو تنحب لَحَد مـــــــا تعمي العــيون
يمكـن هـــــــم قليلة
ابراس الضعن لمحت عيــني عباس
يماشي اخته العقيلة
رحتله و من نظرني دگ عله الراس
قبــــــل لا اشتكــيله

گلتله چلـمة وحــدة و الدمـع سال
و طاحت خوذته و ريشاته الطوال
بَعَد مــا حاچيه اعتاب
عليَّ شو ســـدوا الباب
و ما خذوني
ـــــــــــــــــــــــــــــــــــــــــــــــــ
يمـشي حسين و انه ابدمع ألعيون
خطــواته أعـــــــدها
كل خطـــوة المشاها تاخـذ الروح
مـن جسمي و تردها
ابحضن زينب گلتـله علّتْي أطيب
و دوايه بـــويه عدها
يَمّها چـم وگـت صَعِدّني يحسين
و انه انـزل بعـــــدها

مسافة اگصيرة گتله بس يرجواي
و گلتله و داعِتَك ماطـــــول هواي
ابنشغته رد الجــواب
عليّ شو سدوا الباب
و ما خذوني
ـــــــــــــــــــــــــــــــــــــــــــــــــ
كلــهم سَمَّعِتهم عتـــب مجــــروح
ما مسمـــــــوع منّــي
ما ظل بيها واحــــد ذيچ الضـعون
مــا وَّن اعـــــــله ونّي
ضحكلي و طلَّــع ايده مـن الگماط
عبـدالله و لچــــــمني
و علي الاكبـر جِـزاني يناشغ و دَار
وجــهه لغـــــاد عني

و عريس الضعن يبچي اعله كيفه
يعاينلي و شُبـــــــگ خيتة شريفة
بچولي كــل الاحباب
عليَّ شو سدوا الباب
و ماخذوني
ـــــــــــــــــــــــــــــــــــــــــــــــــ
لَمّن أيسَّت مـا امشـــــــي وَيَّاه
گلتله و دمعي يجري
ادعيلي يابويه المغـــــــــربيات
ما تخنگلي صــدري
ابليل اموادعك شيغمض العين
و انته ابحالي تدري
عليلة و الســــــهر ينرادله اكبار
و انـه وينه كُبــــري

ماخذني المرض و ابصفنة الليل
بوية منين اجيب لصورتك حيل
چـــبدي بالهـضم ذاب
عليَّ شو سدوا الباب
و ما خذوني
ـــــــــــــــــــــــــــــــــــــــــــــــــ
الحمدلله
#علي_حسين_الكناني